Home / archiefcentraal / denne leazing

denne leazing

De kermis was in Lemelerveld en thuus was in Heino. Det is lopend sowieso een heel eind, probear det dan nog mar ‘ns met een stevige borrel op. Mar ja, d’r zat vöar Tinus weinig aans op. De politie kan dan wel minder controlearen op ‘riene met drank op’, det wul nog niet zeng det ie het d’r mar op mut woang. Want de kans det oe wat oaverkump nemt flink toe, de kans det ie een aander wat andoet ok.

D’r kwamen Tinus langs de Lemelerveldseweg wel wat fietsers achterop, mar met die fietsen van teengswoardig, doar kun ie niks te makkelijk met oe tweeën op, dus een frisse lift zat d’r niet in. Af en toe passearen d’r ok een auto, mar vermoedelijk kon ie an het zwalken van Tinus wel ziene det e een borrel op had, det nem ie dan niet met graagte zo mar met in oe auto.

Lemelerveld – Heino: zwalkend is det verdullemigies twee kear zo lange…

Uuteindelijk stoppen d’r toch een auto. Politie.

Tinus had zich al vöarbereid. Dronkend mag ie niet an het verkear deelnemm’, ok niet op de fietse. Mar hij was wandelaar en een wandelaar is wel een weggebruker mar gin verkearsdeelnemmer. Det zol e oom agent wel ‘ns eam onder de neuze wrie’m. En ok det ze die wandelaars op rotondes ‘ns mossen anhoalen die dachten det ze vöarrang hebt op auto’s!

Mar het leup aans.

“En wat zijn we hier aan het doen?”
“An de wandel.”
“Van de kermis?”
“Ja, op weg noar een leazing. Een lange en indrukwekkende leazing.” Tinus höaren het zichzelf ze’ng, hij wus niet hoe e doar zo gauw op kwaamp.
“Interessant”, zei oom agent. “En waar is die lezing dan wel?”
“In Heino. Een indringende leazing, vol feiten. Zeg mar gerust een preake, heb ie d’r niet wat van met ‘ekreeng?”
Nee, det had oom agent niet. “En wie geeft die preek dan?” wol oom agent weten.

Tinus zeg: “Mien vrouw”.

Denne van Knöldert

Lees ook

Dorpsquiz brengt jubilerend Hoonhorst in beweging

Op zondagmiddag 14 november vindt de ‘eerste echte Dorpsquiz Hoonhorst’ plaats HOONHORST – Het had …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.