Home / archiefcentraal / denne racist

denne racist

As noe zelfs de NOS al begint met meansen van de stroate hun mening oaver het neejs te loaten te vertellen, dan weet ie zeker det het oons niet mear öm serieuze zaken giet. Holtkachels schadelijk? Dan mag een kachelstokker vertellen det det best metvalt en iemand die d’r last van hef betwiefelt det.
NS en Prorail wear saams? Eam op het station an reizigers vroang wat ze doar van vindt.

En wieders mar wear noar het volgende item.

Vroage: hoe zwoar straft onze rechters in relatie töt andere landen in Europa.
Nou, wat denk ie?
Op Frankriek noa straffe wie het zwoarst.
Had ie niet e dacht hè. Nee, want wie verdiept ons niet.

As bie ons een rechter straf uutsprekt, mag het slachtoffer zeggen det det völ te lage is. En dan roept wie wear öm mear straffen. Niemand die bedenkt det de relatie tussen straf en genoegdoening misschien lös’ekoppeld mut wö’nn. Want het is nooit genog, dus kom ie met oe genoegdoening altied bedreu’ng uut.

Intussen spuit wie met gif het grös uut de oprit, et wie bio-industrie, zoept wie onze leaver noar de kloten, buten bie het ziekenhuus wacht rokers oe op. De oaverheid wul zich niet oaveral met bemuuien, mar as ik zonder gordel rie, krieg ik een boete, niet det de kans groot is det mie wat geböart, mar ie ziet de gevolgen zo snel.

De debilisering hef zulke niveau’s bereikt det wie noe ok de videoscheidsrechter in mekare sloat.

En dan is d’r nog de club regelmakers en –controleurs. #Wantrouwen.

Volgend joar stemt een flink deel van ons op een officieel benuumde racist. Achter een racist an lopen, wat vöar eng mannetie of vrouwtie ben ie dan hillemoal? En dan later zeng det ie het niet e’weten haa’n? Doar kom ie niet mear met weg as ie dit eleazen hebt.

Denne van Knöldert 

Lees ook

Lezing over acupunctuur in Dorpshuus

HEINO – Herman Tichelaar verzorgt op woensdag 27 oktober een lezing over acupunctuur in het …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.