“Heej Denne”, zeg de opmerkzame man, “ik had je niet eens zo snel herkend.” Bleek het de oale buurman te weane.
En doar mos noe net dit verhaaltie oaver goane. Oaver mekare kennen. Ik leup in Deaventer (Deamter?) willekeurig een kunstgalerie binnen. Doar sprak de mevrouw van de winkel mie an woar as of ik vöar kwame. Zie had mie al een bittie zitten beloeren toen ik vöar de etalage stunne want zie zeg: “u sloeg aan op dit schilderij?” en zie wees noar een stroatbeeld van New York, van Manhatten. “Van de beroemde schilder Te Wierik” zei ze d’r bie. Of Jansen, of Pietersen, det weet ik niet mear, want de ienige schilder die ik kenne is Lenferink.
D’r hingen heel wat Manhattens in het atelier. Ik zeg: “Is det Time Square?”
“Nee, Manhatten.”
“Mar det ís in Manhatten. En vanof Time Square kun ie Empire State Building niet ziene”, wees ik op het doek met toch echt het gebouw d’r op woar King Kong ruzie had met vliegtuung.
“En dit, is det een echte Cornieje?”
“Corneille”, zei ze.
1-1.
Of ik al lange in Deamter wonen.
“Nee, ik woon in Roalte.”
“Ah, ken je Marcel dan?”
Det heb ik op Saxion ok. Doar stoa ik vöar de klasse en dan vroagt luu of ik die of die ok kenne. Mar ik heb een paar duzend collega’s. In Roalte heb in zelfs 10.000-den plaatsgenoten.
Mar Marcel had een winkel, “in, hoe zal ik det z’eng, ollemoal onderdelen”.
Ik dach earst nog an Mali IJzerwaren, mar die was vieftien joar terugge al estopt. Het bleek Marcel van de ‘heel völle onderdelen’-winkel uut de Stationstroate te weane.
En ja, die Marcel, die ken ik wel. Of ik hem dan de groeten wolle doene. Ik zeg, ik schrief d’r wel een stukkie oaver. Woarop ze mie een visitekaartie gaf van haar galerie ’t Koningshof met “nuum mie d’r dan ok eam bie”.
Nou zeg, was ik det visitekaartie toch bienoa kwiet eraakt…
Denne van Knöldert
Meer foto's