Home / archiefcentraal / denne brugklastips

denne brugklastips

Mar natuurlijk giet d’r wél een heleboel mis. Dus det wördt lippen. Det gif olders die kwoad noar de rare meesters van die andere schoele belt. Det giet van auw as het öm oe neeje positie in de klasse giet. Det wördt ien grote nederige oefening in gee’m en ne’mm.

Kortom: det betekent volwassen wönn. Öm die ellende wat langer te loaten weane, bint d’r schoelen die vöar de brugsmurfen een aparte kantine hebt, zodet ze noa een half joar nog een kear de lul bent. Lekker is det…

Ik nuum det de debilisearing van de samenleving.

Mar brugklassers, let op! d’r bent ok leuke dinge an de grote schoele. De meissies begint in de brugklasse echt meissies te wönn bevobbeld. En dearnties, in de hogere klassen zit ok al echte kjels. Op zo’n schoele bent d’r ok altied wel drugs te krieng. Ule pappa en mamma wult oe doar verre van hoalen, dus griep oe kans, noe ie wat onder hun vleugels vandan bent!

Ok mooi: ie kunt iedere dag noa de leste lesse nog eam bie de supermarkt langs. Det is de hedendaagse snackbar. Ie hoeft mar een paar dubbelties uut de portemonnee van oe moe te gappen, doar kun ie al de lekkerste dingen vöar kopen. Ik heb mie det vöar de zommervakantie ‘ns rustig anschouwd, toen een gruupie jongeluu snel vöarkreup bie de kassa die ik ok selecteard hadde.

“Heb ie nog tien cent? Ik kom d’r net achte te kort!”
“As ie mie een euro doet, krieg ie mo’nn zestig cent trugge, dan stoat wie wear quitte.”
“Ik kope dit vöardeelpak van drie pakken koekies. As wie det met zie’n vie’m deelt en ik betale, wat krieg ik van ule dan terugge?”

Olders, advisear oe brugklaswichter noa die ingewikkelde schoele vöaral bie de supermarkt langs te goane. Kost mar een paar dubbelties. Mar doar kan gin wiskundelesse teeng op.

Denne van Knöldert

Lees ook

Blog Aaltje Booijink-Jonkman: Wees zuinig met energie!

Ken je de kreet nog? In de jaren 70 werd opgeroepen om verstandig en zuinig …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.