denne van knoldert vandd bonne as kerstpakket

Ik kon vöar mien kerstpakket kiezen uut vier opties. Nou, hoe royaal wul ie het he’mm. De opties: twee goeie doelen, een traditioneel pakket. En, jawel, een V&D-bonne.

Vöar goeje doelen ben ik niet zo. Want net as Bennie Jolink zeg, wat blif d’r ollemoal wel niet an de striekstok hangen? Ik was in Ethiopië en zag op de parkearplaatse van het duurste hotel van een stad det doar de duurste auto’s van het Rooie Kruus waren. Det had wel wat minder emeugt. En die gasten in het Glazen Huus, ik denk det zo’n Giel zo een kwart miljoen in het joar met noar huus nemt. Gappert.

Mar tegelieke ben ik ok wat teeng die kleinere wat mear particuliere goeje doelen. Ik heb doar vake de indruk bie det het vöaral de particulier is die d’r better van wördt: qua gevuul in de boek. Oke, het geld det in’ezameld wördt kump meestentieds rechtstreeks bie het goeje doel, mar as de particulier weg is, is het goeje doel ok oaver. D’r is gin stabiele basis. Doarmet bouw ie dus niks structureels op.

Ik keus ok niet vöar het traditionele kerstpakket. Doar zit vöaral völle Unilever in, dus völle E-nummers, völle verstopte sukers, echt ongezond ollemoal. Ik nominear Unilever vöar moord met vöarbedachte rade!

Bleef oaver keus nummer 4: een tegoedbonne van de V&D…

Kortom, ik heb slecht egokt. Want V&D hef vandage uutstel van betaling an evroagd. Tegoedbonnen bent niet mear in te leaveren. En slim via de webwinkel wat kopen is d’r ok niet mear bie.

Weg Kerstcadeau…

Meer foto's

LAAT EEN REACTIE ACHTER

Vul alstublieft uw commentaar in!
Vul hier uw naam in

Deze site gebruikt Akismet om spam te verminderen. Bekijk hoe je reactie-gegevens worden verwerkt.