Home / archiefcentraal / denne van knoldert noarse gevangenen

denne van knoldert noarse gevangenen

(Wegens stakingen goa ik d’r van uut det ie det leste disse dagen ok wel kunt riskearen trouwens, zo niet dan is det het bewies det een deel van het politiewerk hillemoal niet better betaald hoef te wönn)

Mensen geleuft mie ok niet as ik ze uutleg det Nederlandse rechters bienoa de zwoarste straffen uutdeelt van heel Europa. En toch is det ok woar. Duutsland, Frankriek, Engeland, zie straft ollemoal milder.

En vöaral slachtoffers wult mie wel vöar de kop sloane as ik ze an het verstand probeare te peuteren det de straf van de dader nooit onderdeel van het verwerkingsproces mut weane, want dan weet ie zeker det de straf nooit genog is. Een straf is in de earste plaatse preventief, in de twidde plaatse gewoon straf en pas in de derde plaatse genoegdoening.

(Ik ben döarumme ok groot teengstander van sprekrecht van het slachtoffer in een rechtzaal. Die relatie tussen dader en slachtoffer leidt tut niks. De daad wördt d’r niet minder van. De straf ís Europees gezien al zwoar. En het slachtoffer krig d’r earder een nare biesmaak dan een prettig slotgevuul van.

Didactisch ezene is die twidde reden trouwens ok twiefelachtig. Van straf wördt iemand niet better en het werkt averechts op reden 1: de preventieve werking.

Vöarige wekke kwamen d’r Noarse gevangenen in Nederlandse cellen. Bie on stoat ze löag (dus niet vanwege die lage straffen) en in Noarwegen waren ze vol. Onze cipiers mut noe op die Noarse gevangenen passen. Op de cursus ‘Noarse gevangen bewaken’ had een cipier die ik op de radio höaren twee dingen eleard: een Noarse gevangene die zich misdraagt giet niet de isolearcel in. En as een cipier de cel in wul, tikt e niet met een slöttel op de döare öm zich an te kondigen, mar klopt e gewoon an met de knokkels op de döare.

Wrum? Ömdet tikken met die slöttels völ te völle de macht van de slötteldragen in zich hef. Kloppen is völle mear vroang of ie eam binnen mag ko’mm, det is vriendelijker.

Ik vind det wel stof tut noadenken.

Denne van Knöldert

Lees ook

HOFtheater-directeur Roswyde Burgman: ‘Daar waar mogelijk laten we voorstellingen doorgaan’

RAALTE – De nieuwe coronamaatregelen, die op woensdag 14 oktober zijn ingegaan, hebben veel effect …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.