Home / archiefcentraal / denne van knoldert helm

denne van knoldert helm

Laurens ten Dam had geluk det e met de helm op geboaren is. Die schient uut de baarmoeder ‘evallen te weane. En Erben Wennemars, die had zukke scherpe schaatsen, det het een keizersnee wönn.

Mar met ‘de helm op geboaren’ zit het wat anders. Zo iemand is paranormaal. Ik denke det ‘de helm’ het aura vöar mut stellen, de cirkels öm de kop die ie bie Jezus ok altied of’ebeeld ziet. Want Jezus was vermoedelijk ok paranormaal. Die kon dinge ziene die een ander niet zag. Jezus kwam d’r met weg. En hoe. Later – töt de dag van de vandage – goa ie d’r letterlijk of figuurlijk mee de brandstapel op.

Mar ik dwaal of. Ik wol het dus wél of de wielrenhelm he’mm. Ik wielren meestal zonder helm. Want ik val bienoa nooit. En ik fiets bienoa nooit harder dan 30 km/u. Behalve as ik in een groep fietse (vier of mear) of het is heuvelig (minimaal Zuid Limburgs), dan draag ik wel een helm.

In veartig joar wielrennen ben ik twee kear evallen. Beide kearen niet op mien heufd. Doar een lea’m lang een helm vöar op doene, is det niet wat völle van het goede? (Met de gewone fietse ben ik allenig ofgelopen winter al twee kear op mien snufferd egoane.)

En doarbie: Jonge roekeloze snorfietsers en traag reagerende oalen van daa’ng op een elektrische fietse sjeest helmloos oaver ’s lands fietspaden. En die goat ok an 30 kilometer per uur.

Doar nog wear boa’m oaverhen: hoe veilig is een helm? Ik gooien lest een helm en een wollen mutse boam van de flat. De helm knappen op de stroate kapot, de wollen mutse mankerearen niks… Grappie. Mar toch: wat kan een helm he’mm? Onderzukers zegt det een helm helpt vöar ongevallen bie onder de 20 kilometer per uur. Cijfers zegt det wielrenners die in het ziekenhuus belandt met hoofdletsel net zo vake wel as gin helm draagt. Bie slechts een procent van de eenzijdige fietsongevallen hef de valler iets met zien heufd: meestal een schrammetie. Bie ongevallen tussen fiets en auto is de klap altied harder dan een helm kan helpen.

Ik denk det de professionele teenghoalders die onderzuken angstvallig wegmoffelt. Mar ikke nie. Klik hier mar vöar mear.

Denne van Knöldert

Lees ook

Bootcamps voor sporters met beperking

REGIO – Om fit aan de start van het nieuwe seizoen te verschijnen organiseren de …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.