Home / archiefcentraal / denne van knoldert de trein noar enschede

denne van knoldert de trein noar enschede

‘Een stoptrein is een sprinter zonder wc’s’ heet het boek det d’r schuld an is det ik de NS niet meer serieus nemme in haar communicatie. Zoas vandage: ‘de sprinter naar Wierden, Almelo, Hengelo en Enschede van 9.05 vertrekt over ongeveer tien minuten’.

Iederiene op het perron wus toen genog: vertraging van tien minuten en vermoedelijk wel ietsie mear. Sommigen zag ie ‘kloten-NS’ d’r bie denken. Anderen pakken heel praktisch de tillefoon öm te bellen det ze iets later kwamen.

Mar ik höaren völle mear dan allenig die bosschop.

Toen de omroeper det zei van die vertraging, was het drie oaver neeng. Mien trein zol dus ongeveer öm 9.13 vertrekken. Grote vroage is of de trein van 9.05 die öm ongevear 9.13 (en vermoedelijk wel iets later) vertrekt, nog wel de trein van 9.05 mag heten. Ik zol het de trein van 9.13 (en vermoedelijk nog wel iets later) numen. Die trein bestiet officieel niet. En toch ridt e.

An de iene kante wol ik det ik net as de andere mensen op het perron de boodschap direct vertalen in gewone mensentaal. Mar an de andere kante waren die tien minuten vertraging (en vermoedelijk nog wel iets mear) ok wel wear snel ömme vanwege mien gedachten oaver de boodschap.

Mooi buukie, ‘een stoptrein is een sprinter zonder wc’s’. Koch een kjel iedere m’onn een pakkie karnemelk bie de AH op het station. Zeg de caissière iedere kear: “dat is karnemelk.” Zeg die man iedere kear: “Ja, dat weet ik.” Noa drie wekken was die man het zat en koch e melk. Toen zei de caissière niks…

Of det as ie op de winkel hangt ‘op woensdag open’, det wule dan weet det die winkel allenig mar op woensdag open is. Mar as d’r stiet ‘op maandag open’, dan betekent det hillemoal niet det de winkel allenig mar op moandag open is.

Terugge noar het hiete perron woar ik tien minuten (en vermoedelijk wel iets mear) te oaverbruggen hadde. Zie zegt det de sprinter van 9.05 oaver ongeveer tien minuten vertrekt. Wrum zegt ze niet det de trein vertraging hef? Zo van: ‘Pssst, wie zegt lekker det de trein later vertrekt, dan hebt ze hillemoal niet döar det d’r vertraging is.’

Ienmoal in de trein besleut de machinist niet verder te goane dan Wierden. De trein noar Enschede ging niet verder dan noar Wierden. En toch was het de trein noar Enschede.

Denne van Knöldert

Lees ook

Twijfels rond toegangscontroles en afgesloten feestterreinen

Organisatoren Pompdagen, Stöppelhaene en Diekdaegen gaan voor mooie zomer 2021 HEINO/RAALTE/WIJHE – Wat kan er, …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.