Home / archiefcentraal / denne van knoldert buizerd berend en bertha

denne van knoldert buizerd berend en bertha

In zien boom hef Buizerd Berend ofgelopen wekke zien oo’ng uut ekekken. Hij had in opdracht van Buizerd Bertha hun gezamenlijke nest met jongen de ofgelopen wekke wat mear verdedigd. Earst was doar die oele van tien bomen verder die ze niet vertrouwen. En onder an de boom zat een vos die op de reuk van een uut het nest gevallen ei of ‘ekomm was. Zero tolerance had Bertha ezegd, dus werd vanof toen alles wat d’r langs kwam an’evallen. Fietsers, hardlopers, wandelaars. Eam een paar dagen flink döarhalen en toen waren hun jongen uut evlöang.

Mar doar kwam op die vrogge vriedag iniens de gemeente met waarschuwingsböarden. Een media-moment det RTV Oast oaver de bult bie Nijverdal hen ekreeng had. En de zoaterdag erop was d’r zelfs een groot feest zo ongevear onder het buizerd-nest. Honderden, duzenden bezukers kwamen noar de open dag van Ivoor en deden net of Buizerd Berend en Buizerd Bertha d’r hillemoal niet waren. Det konn’ het tweetal ok niet boeien, want het jong-volk was inmiddels uut evlöang, d’r was d’r mar iene die earder an de grond was dan det ewus hoe as of det e mos vlieng. Had die vos toch nog loon noar wachten.

“Wel vreemd” besprak Berend ’s oams met Bertha die waarschuwingsbörden van de gemeente. “Toen ik onze kroost wat fanatieker beschermm’, gaven ze niet thuus en toen wie d’r met stoppen, kwam die waarschuwing.

“Ja”, beamen Bertha, “wat kost det wel niet det zo’n gemeente börden langs de weg zet. Zollen ze det noe allenig mar doene öm zich zelf in te dekken teeng klachten? Det zei Buizerd Buurman lest op zien verhoardagsborrel.”

Oaver det feessie wol Berend het niet mear he’mm. Die Buurman was een opschepper en Berend wus zelfs niet zeker of die buizerdkukens die gisteren hun eigen luchtruum ekeuzen hadden, of die wel van hem waren. ’t Zol hem niet verwonderen as Buurman doar mear van wus.

Mar goed, zoaterdag – een dag noa het plaatsen van die waarschuwingsborden – was d’r een open dag midden in het gevoargebied. Hij had zich rustig ehoalen op verzuuk van zien vrouw. Berend had wel zinne öm iemand de stupen op het lief te jaa’ng, bie vöarkeur een klein kind, öm de poppen lekker an het dansen te krieng.

Mar hij had zich in ehoalen. De rust is wear e ekeard an de Roarhoek.

Denne van Knöldert.

Lees ook

Natuurmomenten: ‘Van ‘t pad af’

Sjaak Bruggeman deelt met enige regelmaat zijn natuurmomenten met ons. En altijd is er wel …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.