Home / archiefcentraal / denne van knoldert marinaleda

denne van knoldert marinaleda

Ik was in het Spaanse dörpie Marinaleda op bezuuk ömdet ze doar écht maakt van het ofschaffen van alles wat niet neudig is, en in plaatsen doarvan zelf de handen uut de mouwen stekt.

Ie wult het niet geleu’m, mar zie hebt doar zelfs de gemeentepolitie of’eschaft, “want wat is det noe vöar een onzin det d’r parkearwachters rondloopt”, zei de burgemeester die ik d’r vroang oaver stellen. “As iene de auto verkeard nearzet, mut degene die d’r last van hef, hem doar wat van zeng. Mar het mooie is det niemand de auto verkeard nearzet. Want wat is ‘verkeard’?”

Mooi hè?: wat is ‘verkeard’… Bie oons is een verboden plekke ‘verkeard’. In Marinaleda is een plekke verkeard as een ander d’r niet langs kan. Ie komt doar op stroate ok bienoa ging verkearsbörden teeng. Op de döargoande weg det ie eam wat zachter mut riene, mar dan heb ie het ok wel ‘ehad. Het dorp bestiet uut völle smalle weggeties, mar zie hebt zelfs gin eenrichtingsverkear. “Det lost zich altied wel op”, zei de burgemeester, “meestentieds is d’r toch gin teengligger.”

Zie bouwt gezamenlijk hun huzen en betaalt 15 euro huur per moand… En wie werkloos is, krig een stukkie grond van de cooperatie öm met te werken op het land vöar de productie van paprika’s, tuinbonen en olijven. Niemand is werkloos.

Toen ik d’r wasse wönn het net lekker lentewear en konn de wichter ’s oams wat langer in de spöltuin van het dorp ravotten. De volgende ochtend ruum een paar moeders wat plastic ofval op. Was het toch wear mooi schone. “Doede wie hier ollemoal”, zei de burgemeester. “Iens in de veertien dage met zien allen op zoaterdagmonn eam döar de stroaten en oaver het park, öm de boel op te rumen.”

En as doar een pastic zak met plastic wegweijt, klopt ze niet bie de gemeente an, mar bedenkt ze zelf een iezeren hoak an een lantearnpoale woar ze die windgevulige zak anhangt. Zie de foto.

Denne van Knöldert

Lees ook

Collecties historische publicaties deels samengevoegd

Rijnbrink, Athenaeumbibliotheek en Historisch Centrum Overijssel ondertekenen convenant REGIO – Als geïnteresseerde in historische publicaties …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.