Home / archiefcentraal / denne van knoldert koers hoalen

denne van knoldert koers hoalen

Ik stem disse kear op de VVD. Onzinregels ofschaffen duurt mie namelijk völ te lange. Oe niet an regels hoalen, zoas de VVD dut, giet völle sneller.

Ik wörd gek van regels. Nem allenig disse twee:

1: toen ik het het butengebied een neej huus bouwen, moch det niet groter wönn dan 600 kuub. Mar döar de serre wönn het 660. Nou goed dan, tien procent oaverschrijding moch, mar dan mos ik wel twee tekeningen inleaveren: een goed te köaren exemplaar van 600 en iene van 660 vöar de uutzundering. In de bureaula van de ambtenaar lag toen al het plan det een joar later huzen 750 kuub mochen weane.

2: de welstandscommissie köaren een tekening vöar een schuurtie d’r bie of, ömdet ze ‘het ritme van de kozijnen’ niet mooi vunn’. D’r mos een neeje tekening komm’. Mar in bestoande huzen mag ie vergunning- en meldingsvrie kozijnen d’r bie maken of dichte metselen wat ie mar wult. En ok noe: in de la van de ambtenaar lig al het plan de welstandscommissie of te schaffen.

Dus döarumme stem ik op de VVD straks. Want de politici van die partieje trekt zich nergens wat van an. ‘Meer straf en minder begrip voor criminelen’ was een verkiezingsleus die Rutte minister president maken. Sinds die tied stieet Jos van Reij vöar de rechter wegens het döarflusteren van vroang die een sollicitant vöar burgemeester kon verwachten, het onoorbaar kopen van stemmen en mear van die slimme dingen die oe macht geeft.

VVD-Twidde Kamerlid Mark Verheijen was niet al te zuver op de groat met declaraties. “Noe mut ule niet de boel opbloazen” lippen onze minister president, saams met zien Twidde Kamer vöarman Zijlstra.

Nota bene de VVD-minister van Justitie lög’ d’r vrolijk op lös as het giet om hoe völle miljoen ze een drugscrimineel gaa’m öm via hem andere drugsmannegies op te pakken.

Het aardgasstandpunt van de VVD sprekt mie ok an. D’r giet wél wat boasm Groningen: winst vöar het land!

En met zien standpunt over ‘Jihadisten liever dood dan terugge in Nederland’ tekent Rutte het doodvonnis van Vincent Droste uut Heeten. Alles vöar het landsbelang.

Ik heb nog eam edacht an stemmen op de PVV. Oe niet hoalen an regels, geldt doar in nog völle grotere mate, as ie tenminste blank bent. Mar de VVD giet de verkiezingen in met ‘De VVD houdt koers’, dus weet ik zeker det die partij corrupt blif.

Denne van Knöldert

Lees ook

Dorpsquiz brengt jubilerend Hoonhorst in beweging

Op zondagmiddag 14 november vindt de ‘eerste echte Dorpsquiz Hoonhorst’ plaats HOONHORST – Het had …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.