Home / archiefcentraal / denne van knoldert boer zoekt vrouw

denne van knoldert boer zoekt vrouw

Ik zat van de wekke noar Boer zoekt Vrouw te kieken. Doar hoef ie oe niet vöar te schamen. Kiekcijfers ligt rond de 4,5 miljoen. Op 16 miljoen Nederlanders. Mar toch schaa’m ik mie. Hoe ongegeneerd zat ik mee te gluren in liefdesrelaties in wording.

Ik mos de hele tied an neuken denken. Det heb ik mar niet ezegd teeng vrouw en dochters die mee zaten te kieken. Ik was namelijk op die gezellige zundagoamd ‘met zien allen samen thuus’ met hún an het mee kieken en zie haa’n net met Studio Sport ik niks ezegd toen ze met mie mee keken.

Ik heb ze thuus ok niet op’ezadeld met het verschil tussen werkelijkheid en wat ze d’r op tillevisie van maakt döar de keus wat ze filmt, wat ze doarvan uutzendt en de maniere woarop ze det monteart.

‘Liever niet’, zei Boer Geert toen de regisseur vroeg of hij alle vrouwen een kussie wol gee’m. Ik vuul mie doar niet zo goed bie.”

“Doe toch mar”, zei de regisseur.

Boer Geert: “Mar wat vindt Yvonne doar dan van?”

Regisseur: “Yvonne? Die pröat hier de boel allenig mar an mekare. Hup, geef ze mar een smakkert.”

En noe is Boer Geert Geile Geert.

Toen het progamma net bestund, begeleidde ik een student die stage leup bie Blue Circle, het bedrief det ‘Farmer seeks Woman’ uut Engeland noar Nederland bracht. “Wie haa’n het bie SBS kunnen onderbrengen, mar dan was het noa twee joar weg”, vöarspellen ze bie Blue Circle. “Wie hebt vöar een meer etische anpak e’köazen en vöar een presentatrice die zo zacht is, det ie d’r in kunt prikken.”

Hoe vöarspellend die woarden toen waren, blik iedere zundag wear. Allenig is d’r van ethiek niks mear oavereind e’bleem. Ik mutte tenminste de hele tied an neuken denken.

Boer zoekt Vrouw. Ik heb het een tiedje niet leuk e ‘vunn det Lucky TV de draak stak met det programma. Mar noa ofgelopen zundag denk ik d’r anders oaver. Lucky TV is een milde versie van het echte programma. Det is völle erger. Verschil met een pornofilm is det ze bie porno alles loat ziene en det ze bie ‘Boer zoekt Vrouw’ alles oaver loat an suggestie. Is in verband met de acteurs ok better.

Boer zoekt Vrouw. Had ik al ezegd det ik dan de hele tied an neuken mut denken?

Denne van Knöldert

Lees ook

Ouderwetse fuif in Herxer Marke

HERXEN – De Herxer Marke presenteert op zaterdag 23 november een ouderwetse fuif. Daarmee herleven …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.