Home / archiefcentraal / denne van knoldert doarhen zitten

denne van knoldert doarhen zitten

‘Ik zit door mijn huishoudelijke mededelingen heen’, zei het meissie van Studio Sport. Zie wördt steeds jonger die presentear-dearnties, en het lik of ze ok steeds slechter goat proaten. Mooi bent ze meestentieds wel, mar of det noe een presentatiekwaliteit is…

Het dearntie zei het zundagmiddag kort vöar 18.00 uur. Noe vinn ik det het jongvolk teengwoardig d’r al snel döarhen zit, mar in het weekend noa de middag sprekt ze vake de energie an die ze in de monn op ien oar hebt liggen opspoaren.

‘Ik zit door mijn huishoudelijke mededelingen heen’ … Zol het weane det ze völle huusholdelijk werk te doene had achter de tv-schermen? Det kan ok zo mar op zo’n zundagse sportdag. Het dearntie hoe’m de hele middag allenig mar van de iene noar de andere sportbiedrage drie zinnegies of- en ankondiging vöar te leazen. Tied zat öm tussendöar de studio wat of te stoffen, zol ik denken.

Of misschien wel tied zat öm het neeje decor te schilderen. Want iedere seizoenstart stoat die huppelkutties wear tussen andere coulissen hen en wear te rennen op zuuk noar de juuste camera. Dan zit ie d’r ok zo nog een kear döarhen. Gin wonder det ze eam de juuste zinne vergetten was.

Zie zat niet döar het huusholdelijke werk hen, wie was döar de mededelingen hen. Ach, wat maakt det noe toch uut”, höar ik vake as reactie as ik de taalpurist uuthange. As wie mekare mar begriept.” Mar stel det de gegijzelde vrie kumt mits het losgeld betaald wördt, en ie verwart det met ‘tenzij’…

‘Hen’, ‘hun’ en ‘zie’, det mag ie gerust döar mekare hen gebruken van mie. ‘Als’ en ‘dan’ ok wel. Ik heb zelfs gin muuite met ‘hij kon hem’ as hij iemand kende. Mar det is wel zo ongevear de grens. Met goeie taal begriepe wie mekare al verkeard, loat stoane met verkearde taal.

Ik ben wel benieuwd of mien Studio Sport-dearntie ooit de gemaakte fout gewaar wördt. Die kik höarzelf natuurlijk vake zat terugge, mar ik ben bange det de evaluatie hoofdzakelijk giet oaver een hoarlok die niet goed zat, te völle rouge op de wangen, de nagellak te knallend en het ritsie van de blouse net niet wied genog open.

As zie zich det mar niet al te völle antrekt, want dan zit ze d’r ok zo nog mar een kear döar hen.

Denne van Knöldert.

Lees ook

Kunstoutlet naar nieuwe locatie

RAALTE – Dorie Haarman stopt met The Art Company, maar houdt op het moment nog …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.