Home / archiefcentraal / denne van knoldert zoaren

denne van knoldert zoaren

Toen Mark Rutte vöar de verkiezingen zei dat een begrotingstekort van drie procent heilig was en det e keihard zol goan bezunigen dacht ik: “zit toch niet zo te zöaren man”.

Toen ik Mark Rutte op weg noar een Europese top höaren zeng det e bie onderhandelingen het onderste uut de kan zol halen, dacht ik: “zit toch niet zo te zöaren man”.

Toen ik Mark Rutte van de wekke höaren zeng det e nog eam wol wachten met bezunigen terwijl wie dikke oaver die drie procent hen bent, dacht ik: “zit toch niet zo te zöaren man”.

Toen ik gisteren Mark Rutte op tv zagge dach ik: “zit toch niet zo te zöaren man”. En hij had nog niks ezegd.

Det was wel eam schrikken. Mien vöar-ingenomenheid was zo groot det ik van te vöaren al dache det onze minister president wel wear uut zien nekke zol goan zöaren.

Ik had det van de wekke met de trein ok. Niet met de Fyra (de’s nie zöaren, de’s lieng), mar met de trein uut Heino. Die had vertraging. Een omroepster zei via de speakers det die van 7.35 uur oaver vief minuten zol vertrekken. Ik dache: “zit toch niet zo te zöaren man”.

Öm 7.40 uur höaren ik via de speakers det de trein oaver enkele minuten zol vertrekken. Ik dache: “zit toch niet zo te zöaren man.”

Öm 7.50 uur vertrökken wie met 25 minuten vertraging van Roalte noar Nijverdal. De machinist reup ömme: “Sorry vöar de vertraging van 21 minuten.” Ik dache: “zit toch niet zo te zöaren man.”

Tussen Nijverdal en Wierden zei de machinist det de vertraging 25 minuten “nog 20 minuten” was en det hij zien best zol doene det nog in te halen. Ik dache: “zit toch niet zo te zöaren man”, want d’r is op het traject tut Enschede nergens kans 25 minuten in te halen.

Begriep mie goed, treinvertraging is niet erg, met de auto heb ik altied mear vertraging. Mar zie mut niet doene of ik gekke Henkie benne.

Thuus zegt ze altied det ik niet alles in twiefel mutte trekken wat politici, ambtenaren, gesubsidieerde instellingen en andere bedriem met communicatie-ofdelingen de wereld inschöpt. Mar loat ze dan minder lieng.

Denne van Knöldert.

Lees ook

Uitagenda

Woensdag 4 augustus Wesepe Het Wapen van Wesepe 18.30-19.00 uur Start wandeldriedaagse Labor Donderdag 5 …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.