Home / archiefcentraal / denne van knoldert achterlijk

denne van knoldert achterlijk

Ik had de Nederlandse Energiemaatschappij an de lijn. Of ik verantwoardelijk was vöar de energievöarziening van het bedrief met het zelfde adres as woar ik woon. Ik zeg: “Det giet oe gin reet an.” “Mar det is toch een heel gewone vroage?”zeg het jongmens an de andere kante van de lijn.

Ik zeg: “Heb ie een vriendinne?” Det had e. “En wannear hebt jule vöar de leste kear eneukt?”

“Meneer, wat is dat nu voor een achterlijke vraag.” “Och, ik vind het eigenlijk best een gewone vroage” brach ik nog in. Mar ik had bliekbaar een teer punt eraakt. Hij wol ‘t d’r verder niet oaver hemm’. Met mie tenminsten niet. “Ik ga hier melding van maken.” Ik zeg nog: “bie de baas, of bie oe vriendinne”, mar ik konne niks goed mear doene.

“U kunt me toch zo niet behandelen?”

“Nee, mar ie mie toch ok niet? Ie bent toch begunn met privé-vroang?

“Mijn vraag was een zakelijke.”

“Die van mie ok. Ik verkoop condooms.”

“Ik vind dit een heel naar gesprek worden.”

“Ik vind dit ok een heel naar gesprek wönn.”

“Ik maak een eind aan dit gesprek.”

“Zulle wie dan ‘ns doene wie as earste ophangt”

Ik höaren ‘m twiefelen. Misschien wönn zien gesprek wel op enömm döar de baas, öm zien arme personeel d’r op of te kunn’rekkenen as ze an het eind van de dag wear te weinig verkocht hadden. Dus ik nam de kans te baat: “Ik nem an det ie een student bent met een biebaantie. Mut ie dan niet an de studie noe? Volgende wekke is toch de tentamenwekke?” “Ja eigenlijk wel”, zeg e. “Mar ja, ik mut geld verdienen. Mien vriendinne wul met vakantie noar Spanje en det mut wel betaald wönn, natuurlijjk.”

Ik heb hem uutelegd det het in de Ardennen minsten zo mooi is, zo niet mooier dan an de platte Spaanse kusten, det het doar ok völle goedkoper is en det op dit moment zien studie völle belangrijker mut weane dan zien vakantie. “Noe studearen leavert oe straks völle mear geld op.”

“Mar ja, mien vriendinne…”

Ik zeg, “as oe vriendinne noe al zo löp te zeiken, dan zol ik die bie het grof vuil zetten. Goa vanoamd nog op zuuk noar een neejen en as ik oe mo’nn dan die achterlijke vroage nog een kear stelle, dan weet ik het antwoard wel.”

Soms kunt verkoopgesprekken heel anders verlopen dan ie van te vöaren verwacht.

Denne van Knöldert

Lees ook

Broeklandse amazone doet mee aan EK springen in Le Mans

Sylvie Ruissen: ‘Na mijn ongeluk begin 2020 heb ik er hard voor moeten knokken’ BROEKLAND …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.