Home / archiefcentraal / denne van knoldert mayas

denne van knoldert mayas

Ons zonnestelsel passeart volgens de Maya’s op 21 december de evenaar van de Melkweg en det verandert een hoop an de wereld. Noe wördt oons kleinste Knöldertie die dag 18. Det zal een hoop veranderen. Mar passeart ons zonnestelsel de evenaar van de Melkweg? Och, wrum zol de joartelling van de Maya’s verkeard weane?

Oonze joartelling is begunnen toen een paar luu van Babylon achter een sterre an noar het beloofde land leupen. Babylon is noe Bagdad. Het beloafde land is Israël. Hoe reëel is det verhaal? En wat klopt d’r wieders van de joartelling? De moane wast zich zelf in vier wekken. Mar een moand bie ons is langer. De elfde moand november kump van ‘nov’ en det is 9. December is van ‘dec’ en det is tiene. Oktober, met zien oct, mut toch de achtste moand weane? Mar die moand wol keizer Augustus noar zich vernuumd he’mm. Wie bent per joar wel alle seizoenen rond, mar de Maya’s zegt det alles per 26.000 joar steeds hetzelfde is.

Met de kennis van noe vindt wie het dom det ze vrogger dachten det de aarde plat was. Wat denke wie met de kennis van straks oaver noe? Wrum zol het gin effect he’mm det ons zonnestelsel in de melkweg ronddreijt? En det onze Melkweg ronddreidt in het heelal?

Mien collega stiet iedere morgen op met de yoga-zonnegroet. En iedere dag kump de zunne wear op. As ik met de oong dichte spul teeng de boek an hoale woar ik mie goed bie vule, val ik vöaroaver. Det geböaren bie een pompoen. Ik ben gek op pompoensoep. Met mien mobiele telefoon an de boek veul ik achteroaver. D’r is dus wel mear tussen hemel en aarde.

Op 21 december stoat aarde, zon en melkweg op één lijn. Maya’s zegt det het magnetisme doar vöarbie net andersömme is. Net as det het water in ons rioolputtie de andere kante opdreijt dan in Australië. Maya-uutleggers zegt det dan vrouwelijke en mannelijke energie samen smelt en in balans komt. Det zol het einde weane van oarlog op aarde.

Ok andere energie kump dan in balans. Het andere magnetisme brengt natuurlijke, imploderende, schone ether-energie, in plaatsen van geraffineerde, exploderende, vervuilende öllie.

Die transformatie leidt rond 21 december töt een donkerte van een dag of drie. Mien moe zeg altied: “Het mut earst slechter wönn, vöar het better wördt”.

Denne van Knöldert

Lees ook

Lavorista arbeidsrecht advocatuur breidt uit in Salland

DEVENTER – Begin 2021 vestigde Lavorista arbeidsrecht advocatuur zich In Business Center L’Arc en Ciel …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.