Home / archiefcentraal / denne van knoldert tassen

denne van knoldert tassen

Ik komme niet alle daang in Amsterdam en al hillemoal niet in de Beurs van Berlage. Dus ik had d’r vöarof goed oaver noa edacht. Wat zol de dresscode weane? Dus leup ik doar met een roze bluusie rond. As d’r noe ien gelegenheid was woarop ik det cadeau van de wichter an konne, dan was het noe wel, in Amsterdam. Mar det veul teeng. Het waren ollemoal grieze doe’m.

Doar stunn wie dan, een te duur moatpak en een roze blouze en wieders ollemoal armoedzaaiers in Makro-pakken, Trekpleister-aftershave en Schoenenreus-schoene. Zelfs congres-sprekkert Maarten van Rossum höaren bie de meute. Hij had zien speech in een stoffige tasse efrommeld, die noast ‘m op de grond lag.

Wat doe ie an noar belangrieke geböartenissen? Ik was ooit op het NK-wielrennen en kwam doar een hoofdvertegenwoordiger teeng. De dresscode was casual. Hij leup d’r bie op zien zundags. De twidde dag was de dresscode op zien zundags, leup de vertegenwoordiger casual rond.

Kort vöar de ponymarkt in Heeten twitterde de burgemeester van Roalte – en van Heeten – det hij het zo muuilijk vund wat e an mos noar zo’n gelegenheid. Kun ie noagoan, al niet mear weten wat ie an mut noar de ponymarkt. En overall met strontvlekken d’r in toch? En een grote borstzak vöar de portefeuille.

Want een veehandelaar noar de ponymarkt met een tassie, det kan niet. Een Maarten van Rossum-tasse in de beurs van Berlage kan ok niet. En mien learen schoeltasse uut de joaren tachtig zal ok wel uut de mode weane.

Mar twee wekken terugge zag ik op het station een vrouw met een tasse bie zich asof ze een winkelmaandtie uut de supermarkt met enömm had. Det ze d’r thuus wat knallerig doek ömme hen e frutseld had. En doarmee stund ze dan trots op de trein te wachten.

Sindsdien let ik op de tassen en tassies die vrouwen bie zich hebt. Ik snappen het andere geslacht altied al wat minder makkelijk. Mar noe ben ik de droad hillemoal kwiet. Wat bezielt het vrouwvolk? Wat slept ze ollemoal met? En wrum hebt ze ollemoal dezelfde soart andere tassen bie zich?

Denne van Knöldert

Lees ook

Bootcamps voor sporters met beperking

REGIO – Om fit aan de start van het nieuwe seizoen te verschijnen organiseren de …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.