Home / archiefcentraal / denne van knoldert zal m learen

denne van knoldert zal m learen

“Goedemiddag, u bevindt zich in de trein van Nijverdal naar Zwolle. Met stopplaatsen Raalte en Heino. Het is verboden met uw voeten op de banken te zitten. En dat zouden we u ook niet adviseren, want de boete daarvoor is zestig euro.”

Zo werd ik van de wekke welkom eheten döar een conductrice. Meestentieds kun ie niet höaren wat die luu via het centrale omroepsysteem meedeelt. Mar dit kear was het heel helder.

Het is van alle tieden det wule de straf gebruukt öm dinge uut te bannen die niet meung. Maar, zoas Maarten van Rossum lest ok zei op tillevisie, “d’r bent oceanen vol met onderzuken die bewiest det hoge straffen niet leidt töt minder criminaliteit.”

Ik krege lest een beköaring vöar döar rood fietsen op een löag kruuspunt. Het ienige effect det het op mie hef, is det ik noe nog better uutkieke of d’r een politie in de buurte is… “Ja, mar regels bent regels”, zei d’r iene op een verjoardag. “En ok Denne hef zich doar an te hoalen.” Ik zegge: “en hoevake rie ie dan met het bussie van de zake prive-kilometers?” Ja, det was wel eam lastig uut te leng.

Wilders stiet vöar de rechter vanwege zien recht op vrijheid van meningsuiting terwijl hij zelf de koningin die vrieheid onnam döar de kerstrede in te korten… En noe wul hij ok det rechters öm de vief joar vervangen wördt, as ze niet zwoar genog straft. Ik hoppe det hij zelf veroordeeld wördt. Zal ‘m learen.

En doar zit net het probleem met det straffen. Bie det ‘zal ‘m learen’. Want van een straf lear ie niet. Ie leart van de uutleg, wrum of det iets niet mag. “En je had nog wel zo goed uitgekeken”, zei de politie toe en mie beköaren, met een glimlach op zien mond. Ik zegge “ja, det had ie op schoele ok munn doene, dan had ie tenminste een goeje bane kunn krieng”. Ik kriege thuus de wichter op die maniere an het huuswerk: “Ie hoeft niet te learen, mar dan kun ie straks niet völle aans, dan politieagent wönn, ok een heel eerzaam beroep.”

Straffen helpt vanwege het leareffect. In de trein mut ze misschien en coupé inrichten met ollemoal vieze banken. En as d’r dan iene met de voeten op de banke zit, dan mut e verplicht in die coupé plaats nemm.

Denne van Knöldert.

Lees ook

Samen naar het theater in de Week van de Ontmoeting

RAALTE – In het kader van de Week van de Ontmoeting hebben Wijz Welzijn en …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.