Home / archiefcentraal / denne van knoldert roalter lied

denne van knoldert roalter lied

Dus ikke noar de site van Stentor öm te kiezen vöar het Roalter lied. D’r is doar namelijk een heuse wedstrijd goande. Vief liedties, de besten wint. Mar – sorry vöar de schrievers – het is hulen met de pette op. As ien van die versies eköazen wörd, verhuus ik uut Roalte.

“Waar ik thuis ben, groet ieder elkaar, spreekt noaberplicht vanzelf en valt dus niet zwaar. Waar het leven nog wordt geleefd, een gegeven woord echt betekenis heeft.” Zie doar het couplet van versie 1. Het refrein d’r ok bie hemm? “Raalte, gemeente in ’t Sallandse land, denk ik aan jou, staat mijn hart in brand, negen kernen samen sterk, vol elan, dierbaar bij alleman.”

Zie hebt gin coffeeshop in Roalte, dus de schriever kan nie onder de drugs zitten. Alcohol kan het ok nie weane, doar goa’j ok niet zo van proaten. “Op naar de toekomst in vrede en rust”, leas in het twidde lied. Dreigt d’r oarlog dan? Mut ik op goan passen?

En dissent: “Woest was je land, wat een gemis, maar noest werk, heeft ons Raalte, gemaakt wat `t nu is. Raalte, gemeente met groei en pit, waar `t boerenland bloeit en waar leven in zit.” Sinterkloas kon het bedacht hemm. En vöar dissent hef e zien jongste Piet evroagd, die mos nog een bittie oefenen: “negen dorpen met pit, verder weg, dichterbij, een beetje groot, beetje klein, het is goed, het voelt fijn.”

Hans Groen schreef de muziek, Hans, wul ie héél hard spöllen? Dan valt de woarden niet zo op.

Het Roalter lied. Wie hef het bedacht? Wie dut d’r an mee? Wie giet d’r op stemmen? Mar schrikbarenden nog: wannear goat Roaltenaren det ten gehöare brengen? Op de verjoardag van de burgemeester? Noa het volkslied op Koninginnedag? As d’r mear dan tien man publiek op de tribune van een roadsvergadering zit? Met de opening van de vergadering van het genootschap van koninklijk onderscheiden meansen? Bie iedere praalwaang die met Stöppelhaene de markt opdreijt?

En zollen ze in Heeten en Heino het Roalter lied ok goan zingen? Of komt d’r straks ollemoal aparte versies? Ik denke det earste niet en hoppe det twidde ok niet.

Vöar wie d’r gin genog van kan krieng: “zie je de haenen in het stoppelveld, daarginds is een pomp die nooit leugens vertelt (aans wördt ze in Heino boos), ‘t is feest in het dorp, voor het bier in de rij (Luttenberg), hee Gait je mais staat er donders goed bij.

Denne van Knöldert

(Knoldert op twitter)

Lees ook

Waterschap geeft minder uit door corona en droogte

ZWOLLE – Waterschap Drents Overijsselse Delta (WDODelta) gaf vorig jaar bijna zeven miljoen euro minder …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.