Home / archiefcentraal / column denne van knoldert giro 555

column denne van knoldert giro 555

D’r is honderd euro van huize Knöldert onderweg noar Haïti. Mar ik weet het niet. Ik weet niet of ik blie, tevreane, gelukkig mutte weane. Och, zie zult d’r wel goeie dinge met doene. Mar het vuult ok as ofkopen van een schuldgevuul vöar wat wule ollemoal hebt en hun nie.

Grootste probleem vind ik eigenlijk nog wel det ze in die streken van de wereld arm bint döar oonze schuld. Wule hebt d’r riekdom vandan ehaald en alle geld vöar oons zelf ehoalen. Haa’n wie wat earlijker edeeld, dan was d’r vaste nog wel een aardbeving ewest, mar dan haa’n ze de middelen öm het leed wat better op te vangen. Vöarof Haïti apparatuur cadeau doene woarmet ie een aardbeving ziet ankomm is goedkoper dan oaver tien joar hier in Nederland ontspoarde Haïtiaanse adoptiejongeren op het rechte spoar te krieng.

Öm die reden vund ik het ok een schande det Geert Wilders in het tillefoonpanel zat. Hij wul met zien moderne NSB niks van een helpende hand weten. Ja, wel achterof, mar niet op vöarhand en structureel. Det was ok mien probleem. Stel det ik met de tillevisieoamd noar 555 bellen en ik kreeg die verroader an de lijn. Vandage geld inzamelen vöar Haïti, mo’nn de ontwikkelingshulp stop zetten ömdet het ‘een roversbende’ is. Wilders weet oaver tien joar ok wel wear road met die ontspöarde jongeren.

Dus hef ien van de wichter ebeld. Die kreeg een onbekend iemand van een callcenter an de lijn die niet iens in de studio zat. Een ofknapper. Wat mie ok teeng stund is det Beau van Erven Dorens het programma presentearen. Ik kriege pukkels van die man.

Nog een teengvaller: de provincie Oaveriessel gaf vieftig cent vöar iedere inwoner. Woar haalt ze det geld vandan? Van de stapel met belastingcenten. Zat döar in de studio de nestor van Provinciale Staten een uut de kop gelearde tekst te declamearen oaver noaberhulp en mear van det soart geneuzel… Zie bent gewoon met de batse döar de belastingberg egoane en maken doar mooie sier met. Namens oons.

Had zo’n ramp noe nog mar effect op lange termijn. Mar noa de onearlijke verdeling van middelen via slavenhandel en andere onderdrukking zal het nooit mear töt een geliekwaardige verdeling komm. Want die geste mut van de sterksten komm en die bent toch zeker niet gek?

Hoe ik det zo zeker wete? Kiek mar noar de bankdirecteuren. Die bent ok al wear bezig hun zakken te vullen.

Denne van Knöldert

Lees ook

‘Na de teleurstelling begint het nu weer te kriebelen’

Luttenbergsfeest in afgeslankte vorm: drie terrassen geopend en een klein omlijstend programma LUTTENBERG – Ruud …

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Deze website gebruikt Akismet om spam te verminderen. Bekijk hoe je reactie-gegevens worden verwerkt.